Heç şübhəsiz, ənənəvi serverlər dövrü artıq tarixin bir səhifəsidir. Təklif etdiyimiz ultra-müasir bulud tipli server infrastrukturu biznesiniz üçün mükəmməl imkanlar açır.

Bu sistemlər elastik struktura malikdir və yüksək effektivliyi ilə seçilirlər. Bulud serverlərdə parametr və resurs sərfiyyatına istənilən vaxt müdaxilə edib dəyişmək mümkündür.

Multifunksional idarəetmə sistemləri ilə təchiz edilmiş bulud serverlərdən istifadə aylıq ödənişli tarif halında təklif edilir. Tariflər ƏS, prosessor, RAM, disk həcmi və sair xüsusiyyətlər nəzərə alınmaqla fərqlənir. Serverlərə ixtisaslaşmış əməkdaşlar tərəfindən mütamadi nəzarət edilir və həftənin müxtəlif günləri ümumi şəbəkə səviyyəsində snapshot, backup-lar çıxarılır, təhlükəsizlik tədbirləri görülür.

Şirkətimiz genişlənən informasiya texnologiyaları sektorunda risklərin dəyərləndirilməsi və təhlükəsizliklərin yüksək səviyyədə təmin edilməsi xidmətini təqdim edir. Tərəfimizdən beynəlxalq İT standart və texniki tələblər əsasında server və şəbəkələrdə audit keçirilir, qüsurlar aşkarlanaraq aradan qaldırılır, nəticələrə aid konsaltinq xarakterli tövsiyələr verilir.

Kibertəhlükəsizlik xidməti tətbiq olunacaq standartlar nəzərə alınmaqla tövsiyə dokumentasiyalarını, risklərin qiymətləndirilməsi və baş verə biləcək fəsadların qarşısının alınmasına dair məsləhətləri əhatə edir. Şirkətimiz kiber hücumların təsirinin minimuma endirilməsinə dair maarifləndirmə proqramlarını da təşkil edir.

Biz, həmçinin, kibertəhlükəsizlik xidməti çərçivəsində şirkətin veb infrastrukturu, xidmət çeşidi və tətbiqlərində ehtimal edilən boşluqlar, kod səhvləri və çatışmamazlıqların aşkarlanması və aradan qaldırılmasını təmin edirik.

Serverlərin texniki göstəriciləri, həcm və funksionallığını əhatə edəcək xidmətlər təklif edirik. Xidmətlərimiz serverlər üçün rahat interfeysli idarəetmə sistemləri, ultra-müasir bulud şəbəkəsi infrastrukturu, böyük həcmləri dəstəkləyən məlumat bazası sistemlərinin qurulmasını nəzərdə tutur.

Korporativ e-poçt, saytlar üçün server səviyyəsində veb hostinq, lisenziyalı platformalar, veb modullar və təhlükəsizlik sertifikatları da bizlikdir!

Euronet 2009-cu ilin Avqust ayından Azərbaycanda yeni nəsil bulud texnologiyalarının, peşəkar kibertəhlükəsizlik və şəbəkə xidmətlərinin tətbiqini həyata keçirir.

Hal-hazırda şirkətimiz genişlənən yerli korporativ seqment və dövlət qurumları üçün bulud əsaslı, təhlükəsiz və ultra-müasir şəbəkə, eləcə də informasiya təhlükəsizliyi texnologiyalarını tətbiq edir. Xidmət çeşidimizə bulud serverləri və şəbəkələri, kiberanalitika, kibertəhlükəsizlik üzrə audit və konsaltinq, həmçinin ümumi şəbəkə xidmətləri daxildir.

Təklif etdiyimiz rəqəmsal həllər müxtəlif ölkələri əhatə edən geniş beynəlxalq tərəfdaşlıq şəbəkəsinə əsaslanır. Şirkətimiz Almaniya, ABŞ, Çin, Birləşmiş Krallıq, Finlandiya və Cənubi Koreya kimi texnologiya sahəsində aparıcı ölkələrin nüfuzlu şirkətləri ilə əməkdaşlıq edir. Həllərimiz bu tərəfdaşların – qlobal texnologiya nəhənglərinin – təcrübəsinə və qabaqcıl məhsullarına əsaslanaraq hazırlanır, sınaqdan keçirilir və uğurla tətbiq olunur. Əməkdaşlıq etdiyimiz şirkətlər arasında Amazon, Google, Microsoft, Hetzner, RackSpace, DigitalOcean və GoDaddy kimi beynəlxalq liderlər mövcuddur.

Biz, Azərbaycanda fəaliyyət göstərən müasir texnologiya şirkəti olaraq, dövlətimizə dəyər qatmaqdan və milli inkişaf prosesində aktiv iştirak etməkdən qürur duyuruq!

Bizimlə əlaqə üçün ƏLAQƏ bölümünə keçid edin.